بھولی نہیں اجڑے ہوئے گلشن کی بہاریں
ہاں یاد ہیں وہ دن کہ ہمارا بھی خدا تھا

حمید جالندھری

---

---

ہوئی مدت کہ ان کو خواب میں بھی اب نہیں دیکھا
میں جن گلیوں میں اپنے دوستوں کے ساتھ کھیلا تھا

حمید جالندھری

---

---

کس شان سے گئے ہیں شہیدان کوئے یار
قاتل بھی ہاتھ اٹھا کے شریک دعا ہوئے

حمید جالندھری

---

---

پھر گئی اک اور ہی دنیا نظر کے سامنے
بیٹھے بیٹھے کیا بتاؤں کیا مجھے یاد آ گیا

حمید جالندھری

---

---

سینے میں راز عشق چھپایا نہ جائے گا
یہ آگ وہ ہے جس کو دبایا نہ جائے گا

حمید جالندھری

---

---

ان کی جفاؤں پر بھی وفا کا ہوا گماں
اپنی وفاؤں کو بھی فراموش کر دیا

حمید جالندھری

---

---

آج انساں نے بھلا ڈالے ہیں یزداں کے کرم
ہم نے تو ظلم بھی احسان ترے جانے ہیں

حمید جاذب

---

---