meri KHamoshiyon ki jhil mein phir
kisi aawaz ka patthar gira hai

Aadil Raza Mansoori

---

---

safar ke baad bhi mujh ko safar mein rahna hai
nazar se girna bhi goya KHabar mein rahna hai

Aadil Raza Mansoori

---

---

wahan shayad koi baiTha hua hai
abhi khiDki mein ek jalta diya hai

Aadil Raza Mansoori

---

---

danista hum ne apne sabhi gham chhupa liye
puchha kisi ne haal to bas muskura diye

Aafaque Siddiqui

---

---

tere labon ko mili hai shaguftagi gul ki
hamari aankh ke hisse mein jharne aae hain

Aaga nisaar

---

---

ut nazar aaenge mashuqon ki kasrat hogi
aaj but-KHana mein allah ki qudrat hogi

Aagha Akbarabadi

---

---

dar-ba-dar phirne ne meri qadr khoi ai falak
un ke dil mein hi jagah milti jo KHalwat mangta

Aagha Akbarabadi

---

---