دشت وحشت خیز میں عریاں ہے آغاؔ آپ ہی
قاصد جاناں کو کیا دیتا جو خلعت مانگتا

آغا اکبرآبادی

---

---

دیکھیے پار ہو کس طرح سے بیڑا اپنا
مجھ کو طوفاں کی خبر دیدۂ تر دیتے ہیں

آغا اکبرآبادی

---

---

دیکھو تو ایک جا پہ ٹھہرتی نہیں نظر
لپکا پڑا ہے آنکھ کو کیا دیکھ بھال کا

آغا اکبرآبادی

---

---

دوشالہ شال کشمیری امیروں کو مبارک ہو
گلیم کہنہ میں جاڑا فقیروں کا بسر ہوگا

آغا اکبرآبادی

---

---

ہاتھ دونوں مری گردن میں حمائل کیجے
اور غیروں کو دکھا دیجے انگوٹھا اپنا

آغا اکبرآبادی

---

---

ہم نہ کہتے تھے کہ سودا زلف کا اچھا نہیں
دیکھیے تو اب سر بازار رسوا کون ہے

آغا اکبرآبادی

---

---

ہمیں تو ان کی محبت ہے کوئی کچھ سمجھے
ہمارے ساتھ محبت انہیں نہیں تو نہیں

آغا اکبرآبادی

---

---