hamein to un ki mohabbat hai koi kuchh samjhe
hamare sath mohabbat unhen nahin to nahin

Aagha Akbarabadi

---

---

ishq paband-e-wafa hai na ki paband-e-rusum
sar jhukane ko nahin kahte hain sajda karna

love is known by faithfulness and not by rituals bound
just bowing of one's head is not

Aasi uldani

---

---

hijr ko hausla aur wasl ko fursat darkar
ek mohabbat ke liye ek jawani kam hai

Abbas Tabish

---

---

ek mohabbat hi pe mauquf nahin hai 'tabish'
kuchh baDe faisle ho jate hain nadani mein

Abbas Tabish

---

---

ishq kar ke bhi khul nahin paya
tera mera muamla kya hai

Abbas Tabish

---

---

mohabbat ek dam dukh ka mudawa kar nahin deti
ye titli baiThti hai zaKHm par aahista aahista

Abbas Tabish

---

---

mujh se to dil bhi mohabbat mein nahin KHarch hua
tum to kahte the ki is kaam mein ghar lagta hai

Abbas Tabish

---

---