hum ne be-intiha wafa kar ke
be-wafaon se intiqam liya

Aal-e-Raza Raza

---

---

us bewafa se kar ke wafa mar-miTa 'raza'
ek qissa-e-tawil ka ye iKHtisar hai

Aal-e-Raza Raza

---

---

ura mat man itna hausla achchha nahin lagta
ye uThte baiThte zikr-e-wafa achchha nahin lagta

Aashufta Changezi

---

---

ishq paband-e-wafa hai na ki paband-e-rusum
sar jhukane ko nahin kahte hain sajda karna

love is known by faithfulness and not by rituals bound
just bowing of one's head is not

Aasi uldani

---

---

tumhein to apni jafaon ki KHub dad mili
meri wafaon ka mujh ko koi sila na mila

Aatish Bahawalpuri

---

---

umid un se wafa ki to KHair kya kije
jafa bhi karte nahin wo kabhi jafa ki tarah

Aatish Bahawalpuri

---

---

ye kya ki tum ne jafa se bhi hath khinch liya
meri wafaon ka kuchh to sila diya hota

Abdul Hamid Adam

---

---