غم عمر مختصر سے ابھی بے خبر ہیں کلیاں
نہ چمن میں پھینک دینا کسی پھول کو مسل کر

شکیل بدایونی

---

---

غم حیات بھی آغوش حسن یار میں ہے
یہ وہ خزاں ہے جو ڈوبی ہوئی بہار میں ہے

شکیل بدایونی

---

---

غم کی دنیا رہے آباد شکیلؔ
مفلسی میں کوئی جاگیر تو ہے

شکیل بدایونی

---

---

دشمنوں کو ستم کا خوف نہیں
دوستوں کی وفا سے ڈرتے ہیں

شکیل بدایونی

---

---

دنیا کی روایات سے بیگانہ نہیں ہوں
چھیڑو نہ مجھے میں کوئی دیوانہ نہیں ہوں

شکیل بدایونی

---

---

دل کی طرف شکیلؔ توجہ ضرور ہو
یہ گھر اجڑ گیا تو بسایا نہ جائے گا

شکیل بدایونی

---

---

دل کی بربادیوں پہ نازاں ہوں
فتح پا کر شکست کھائی ہے

شکیل بدایونی

---

---

چھپے ہیں لاکھ حق کے مرحلے گم نام ہونٹوں پر
اسی کی بات چل جاتی ہے جس کا نام چلتا ہے

شکیل بدایونی

---

---

چاہئے خود پہ یقین کامل
حوصلہ کس کا بڑھاتا ہے کوئی

شکیل بدایونی

---

---