ai gham-e-zindagi na ho naraaz
mujh ko aadat hai muskurane ki

Abdul Hamid Adam

---

---

lazzat-e-gham to baKHsh di us ne
hausle bhi 'adam' diye hote

Abdul Hamid Adam

---

---

gham se nisbat hai jinhen zabt-e-alam karte hain
ashk ko zinat-e-daman nahin hone dete

Abrar Kiratpuri

---

---

gham se hum sukh jab hue lakDi
dosti ka nihaal Dal kaT

Abroo Shah Mubarak

---

---

gham-e-habib nahin kuchh gham-e-jahan se alag
ye ahl-e-dard ne kya masale uThae hain

Abu Mohammad Sahar

---

---

takmil-e-arzu se bhi hota hai gham kabhi
aisi dua na mang jise bad-dua kahen

Abu Mohammad Sahar

---

---

KHamushi se hui fughan se hui
ibtida ranj ki kahan se hui

Ada Jafri

---

---