مشکل تھا کچھ تو عشق کی بازی کو جیتنا
کچھ جیتنے کے خوف سے ہارے چلے گئے

was difficult to win the game of love to a degree
and so I went on losing being afraid of victory

شکیل بدایونی

---

---

نظر نواز نظاروں میں جی نہیں لگتا
وہ کیا گئے کہ بہاروں میں جی نہیں لگتا

شکیل بدایونی

---

---

پھر وہی جہد مسلسل پھر وہی فکر معاش
منزل جاناں سے کوئی کامیاب آیا تو کیا

شکیل بدایونی

---

---

پی شوق سے واعظ ارے کیا بات ہے ڈر کی
دوزخ ترے قبضے میں ہے جنت ترے گھر کی

شکیل بدایونی

---

---

رحمتوں سے نباہ میں گزری
عمر ساری گناہ میں گزری

شکیل بدایونی

---

---

رند خراب نوش کی بے ادبی تو دیکھیے
نیت مے کشی نہ کی ہاتھ میں جام لے لیا

شکیل بدایونی

---

---

سب کرشمات تصور ہیں شکیلؔ
ورنہ آتا ہے نہ جاتا ہے کوئی

شکیل بدایونی

---

---

شام غم کروٹ بدلتا ہی نہیں
وقت بھی خوددار ہے تیرے بغیر

شکیل بدایونی

---

---

شگفتگئ دل کارواں کو کیا سمجھے
وہ اک نگاہ جو الجھی ہوئی بہار میں ہے

شکیل بدایونی

---

---