dil abhi puri tarah TuTa nahin
doston ki mehrbani chahiye

my heartbreak's not complete, it pends
I need some favours from my friends

Abdul Hamid Adam

---

---

dost ban kar bhi nahin sath nibhane wala
wahi andaz hai zalim ka zamane wala

Ahmad Faraz

---

---

juz tere koi bhi din raat na jaane mere
tu kahan hai magar ai dost purane mere

Ahmad Faraz

---

---

teri baaten hi sunane aae
dost bhi dil hi dukhane aae

Ahmad Faraz

---

---

tum takalluf ko bhi iKHlas samajhte ho 'faraaz'
dost hota nahin har hath milane wala

Ahmad Faraz

---

---

'arsh' kis dost ko apna samjhun
sab ke sab dost hain dushman ki taraf

Arsh Malsiyani

---

---

apne begane se ab mujh ko shikayat na rahi
dushmani kar ke mere dost ne mara mujh ko

Arshad Ali Khan Qalaq

---

---