اسے میں نے بھی کل دیکھا تھا علویؔ
نئے کپڑے پہن کے جا رہا تھا

محمد علوی

---

---

اس سے ملے زمانہ ہوا لیکن آج بھی
دل سے دعا نکلتی ہے خوش ہو جہاں بھی ہو

محمد علوی

---

---

اس سے بچھڑتے وقت میں رویا تھا خوب سا
یہ بات یاد آئی تو پہروں ہنسا کیا

محمد علوی

---

---

اس سے بھی مل کر ہمیں مرنے کی حسرت رہی
اس نے بھی جانے دیا وہ بھی ستم گر نہ تھا

محمد علوی

---

---

ان کو گناہ کرتے ہوئے میں نے جا لیا
پھر ان کے ساتھ میں بھی گنہ گار ہو گیا

محمد علوی

---

---

ان دنوں گھر سے عجب رشتہ تھا
سارے دروازے گلے لگتے تھے

محمد علوی

---

---

تڑا مڑا ہے مگر خدا ہے
اسے تو صاحب سنبھال رکھیے

محمد علوی

---

---

ترا نہ ملنا عجب گل کھلا گیا اب کے
ترے ہی جیسا کوئی دوسرا ملا مجھ کو

محمد علوی

---

---

روز کہتا ہے ہوا کا جھونکا
آ تجھے دور اڑا لے جاؤں

محمد علوی

---

---