اٹھا لایا ہوں سارے خواب اپنے
تری یادوں کے بوسیدہ مکاں سے

رسا چغتائی

---

---

مے خانے میں کیوں یاد خدا ہوتی ہے اکثر
مسجد میں تو ذکر مے و مینا نہیں ہوتا

ریاضؔ خیرآبادی

---

---

ہم تو سمجھے تھے کہ ہم بھول گئے ہیں ان کو
کیا ہوا آج یہ کس بات پہ رونا آیا

ساحر لدھیانوی

---

---

یوں ہی دل نے چاہا تھا رونا رلانا
تری یاد تو بن گئی اک بہانا

ساحر لدھیانوی

---

---

یاد کا زخم بھی ہم تجھ کو نہیں دے سکتے
دیکھ کس عالم غربت میں ملے ہیں تجھ سے

سلیم کوثر

---

---

اک وہی شخص مجھ کو یاد رہا
جس کو سمجھا تھا بھول جاؤں گا

سلمان اختر

---

---

اک یاد کی موجودگی سہہ بھی نہیں سکتے
یہ بات کسی اور سے کہہ بھی نہیں سکتے

ساقی فاروقی

---

---