وہی پھر مجھے یاد آنے لگے ہیں
جنہیں بھولنے میں زمانے لگے ہیں

خمارؔ بارہ بنکوی

---

---

یاد کرنے پہ بھی دوست آئے نہ یاد
دوستوں کے کرم یاد آتے رہے

خمارؔ بارہ بنکوی

---

---

یاد ماضی کی پراسرار حسیں گلیوں میں
میرے ہم راہ ابھی گھوم رہا ہے کوئی

خورشید احمد جامی

---

---

رفتہ رفتہ سب تصویریں دھندلی ہونے لگتی ہیں
کتنے چہرہ ایک پرانے البم میں مر جاتے ہیں

خوشبیر سنگھ شادؔ

---

---

میں جاتا ہوں دل کو ترے پاس چھوڑے
مری یاد تجھ کو دلاتا رہے گا

خواجہ میر دردؔ

---

---

یک بہ یک نام لے اٹھا میرا
جی میں کیا اس کے آ گیا ہوگا

خواجہ میر دردؔ

---

---

خواب میں نام ترا لے کے پکار اٹھتا ہوں
بے خودی میں بھی مجھے یاد تری یاد کی ہے

لالہ مادھو رام جوہر

---

---