aankh khulte hi bastiyan taraj
koi lazzat nahin hai KHwabon mein

Aashufta Changezi

---

---

ajib KHwab tha tabir kya hui us ki
ki ek dariya hawaon ke ruKH pe bahta tha

Aashufta Changezi

---

---

KHwab jitne dekhne hain aaj sare dekh len
kya bharosa kal kahan pagal hawa le jaegi

Aashufta Changezi

---

---

sone se jagne ka talluq na tha koi
saDkon pe apne KHwab liye bhagte rahe

Aashufta Changezi

---

---

talab karen to ye aankhen bhi in ko de dun main
magar ye log in aankhon ke KHwab mangte hain

Abbas Rizvi

---

---

phir nai hijrat koi darpesh hai
KHwab mein ghar dekhna achchha nahin

Abdullah Javed

---

---

har lae hain hum aankh mein rakhne ko muqabil
ek KHwab-e-tamanna teri ghaflat ke baraba

Abrar Ahmad

---

---