sharab pite hain to jagte hain sari raat
mudam aabid-e-shab-zinda-dar hum bhi hain

Aagha Akbarabadi

---

---

ta-marg mujh se tark na hogi kabhi namaz
par nashsha-e-sharab ne majbur kar diya

Aagha Akbarabadi

---

---

'adam' roz-e-ajal jab qismaten taqsim hoti thin
muqaddar ki jagah main saghar-o-mina uTha laya

Abdul Hamid Adam

---

---

arish sharab-e-arsh hai ye soch kar 'adam'
barish ke sab huruf ko ulTa ke pi gaya

Abdul Hamid Adam

---

---

mujhe tauba ka pura ajr milta hai usi saat
koi zohra-jabin pine pe jab majbur karta hai

Abdul Hamid Adam

---

---

saqi mujhe sharab ki tohmat nahin pasand
mujh ko teri nigah ka ilzam chahiye

the charge of being affected by wine, I do despise
I want to be accused of feasting from your eyes

Abdul Hamid Adam

---

---

shikan na Dal jabin par sharab dete hue
ye muskuraati hui chiz muskura ke pila

Abdul Hamid Adam

---

---