اردو हिंदी
Aankh Shayari | Shaahi Shayari

Aankh

75 Shers

talab karen to ye aankhen bhi in ko de dun main
magar ye log in aankhon ke KHwab mangte hain

Abbas Rizvi


Tags: | Khwab | | Aankh | | 2 Lines Shayari |


aankhon tak aa saki na kabhi aansuon ki lahr
ye qafila bhi naql-e-makani mein kho gaya

Abbas Tabish




ek hasin aankh ke ishaare par
qafile rah bhul jate hain

Abdul Hamid Adam


Tags: | Aankh | | 2 Lines Shayari |


jab tere nain muskuraate hain
zist ke ranj bhul jate hain

Abdul Hamid Adam


Tags: | Aankh | | 2 Lines Shayari |


har lae hain hum aankh mein rakhne ko muqabil
ek KHwab-e-tamanna teri ghaflat ke baraba

Abrar Ahmad


Tags: | Khwab | | Aankh | | 2 Lines Shayari |


har ek aankh mein hoti hai muntazir koi aankh
har ek dil mein kahin kuchh jagah nikalti hai

Abrar Ahmad


Tags: | Aankh | | 2 Lines Shayari |


zara der baiThe the tanhai mein
teri yaad aankhen dukhane lagi

Adil Mansuri


Tags: | Yaad | | Tanhai | | Aankh | | 2 Lines Shayari |