دیدنی ہے شکستگی دل کی
کیا عمارت غموں نے ڈھائی ہے
میر تقی میر
آئے ہو گھر سے اٹھ کر میرے مکاں کے اوپر
کی تم نے مہربانی بے خانماں کے اوپر
میر تقی میر
دے کے دل ہم جو ہو گئے مجبور
اس میں کیا اختیار ہے اپنا
میر تقی میر
دعویٰ کیا تھا گل نے ترے رخ سے باغ میں
سیلی لگی صبا کی تو منہ لال ہو گیا
میر تقی میر
چشم ہو تو آئینہ خانہ ہے دہر
منہ نظر آتا ہے دیواروں کے بیچ
میر تقی میر
چمن میں گل نے جو کل دعوی جمال کیا
جمال یار نے منہ اس کا خوب لال کیا
میر تقی میر
چاہ کا دعویٰ سب کرتے ہیں مانیں کیوں کر بے آثار
اشک کی سرخی منہ کی زردی عشق کی کچھ تو علامت ہو
میر تقی میر
بلبل غزل سرائی آگے ہمارے مت کر
سب ہم سے سیکھتے ہیں انداز گفتگو کا
میر تقی میر
بے وفائی پہ تیری جی ہے فدا
قہر ہوتا جو باوفا ہوتا
I sacrifice my heart upon your infidelity
were you faithful it would be a calamity
میر تقی میر