کہتے تو ہو یوں کہتے یوں کہتے جو وہ آتا
یہ کہنے کی باتیں ہیں کچھ بھی نہ کہا جاتا
میر تقی میر
ٹیگز:
| 2 لائنیں شیری |
کون کہتا ہے نہ غیروں پہ تم امداد کرو
ہم فراموشیوں کو بھی کبھو یاد کرو
میر تقی میر
ٹیگز:
| 2 لائنیں شیری |
کون لیتا تھا نام مجنوں کا
جب کہ عہد جنوں ہمارا تھا
میر تقی میر
ٹیگز:
| 2 لائنیں شیری |
خراب رہتے تھے مسجد کے آگے مے خانے
نگاہ مست نے ساقی کی انتقام لیا
میر تقی میر
ٹیگز:
| 2 لائنیں شیری |
کھلنا کم کم کلی نے سیکھا ہے
اس کی آنکھوں کی نیم خوابی سے
میر تقی میر
ٹیگز:
| 2 لائنیں شیری |
خدا کو کام تو سونپے ہیں میں نے سب لیکن
رہے ہے خوف مجھے واں کی بے نیازی کا
میر تقی میر
ٹیگز:
| 2 لائنیں شیری |
کن نیندوں اب تو سوتی ہے اے چشم گریہ ناک
مژگاں تو کھول شہر کو سیلاب لے گیا
میر تقی میر
ٹیگز:
| 2 لائنیں شیری |
کسو سے دل نہیں ملتا ہے یا رب
ہوا تھا کس گھڑی ان سے جدا میں
میر تقی میر
کتنی باتیں بنا کے لاؤں لیک
یاد رہتیں ترے حضور نہیں
میر تقی میر
ٹیگز:
| 2 لائنیں شیری |