امیر زادوں سے دلی کے مل نہ تا مقدور
کہ ہم فقیر ہوئے ہیں انہیں کی دولت سے
میر تقی میر
بال و پر بھی گئے بہار کے ساتھ
اب توقع نہیں رہائی کی
میر تقی میر
بارے دنیا میں رہو غم زدہ یا شاد رہو
ایسا کچھ کر کے چلو یاں کہ بہت یاد رہو
میر تقی میر
بارے دنیا سے رہو غمزدہ یا شاد رہو
ایسا کچھ کر کے چلو یاں کہ بہت یاد رہو
میر تقی میر
بہت کچھ کہا ہے کرو میرؔ بس
کہ اللہ بس اور باقی ہوس
میر تقی میر
بزم عشرت میں ملامت ہم نگوں بختوں کے تئیں
جوں حباب بادہ ساغر سرنگوں ہو جائے گا
میر تقی میر
بے خودی لے گئی کہاں ہم کو
دیر سے انتظار ہے اپنا
میر تقی میر
بے وفائی پہ تیری جی ہے فدا
قہر ہوتا جو باوفا ہوتا
I sacrifice my heart upon your infidelity
were you faithful it would be a calamity
میر تقی میر
بلبل غزل سرائی آگے ہمارے مت کر
سب ہم سے سیکھتے ہیں انداز گفتگو کا
میر تقی میر