aae ho ghar se uTh kar mere makan ke upar
ki tum ne mehrbani be-KHanuman ke upa

Mir Taqi Mir

---

---

aadam-e-KHaki se aalam ko jila hai warna
aaina tha to magar qabil-e-didar na tha

Mir Taqi Mir

---

---

aag the ibtida-e-ishq mein hum
ab jo hain KHak intiha hai ye

Mir Taqi Mir

---

---

aah-e-sahar ne sozish-e-dil ko miTa diya
is baad ne hamein to diya sa bujha diya

Mir Taqi Mir

---

---

aashiqon ki KHastagi bad-hali ki parwa nahin
ai sarapa naz tu ne be-niyazi KHub ki

Mir Taqi Mir

---

---

aawargan-e-ishq ka puchha jo main nishan
musht-e-ghubar le ke saba ne uDa diya

Mir Taqi Mir

---

---

ab dekh le ki sina bhi taza hua hai chaak
phir hum se apna haal dikhaya na jaega

Mir Taqi Mir

---

---

ab jo ek hasrat-e-jawani hai
umr-e-rafta ki ye nishani hai

Mir Taqi Mir

---

---

ab kar ke faramosh to nashad karoge
par hum jo na honge to bahut yaad karoge

Mir Taqi Mir

---

---