کیا کہوں تم سے میں کہ کیا ہے عشق
جان کا روگ ہے بلا ہے عشق

what can I say of love to thee
soul's ailment and calamity

میر تقی میر

---

---

کوہ کن کیا پہاڑ توڑے گا
عشق نے زور آزمائی کی

میر تقی میر

---

---

کچھ ہو رہے گا عشق و ہوس میں بھی امتیاز
آیا ہے اب مزاج ترا امتحان پر

میر تقی میر

---

---

کچھ کرو فکر مجھ دیوانے کی
دھوم ہے پھر بہار آنے کی

میر تقی میر

---

---

کچھ نہیں سوجھتا ہمیں اس بن
شوق نے ہم کو بے حواس کیا

میر تقی میر

---

---

کیا آج کل سے اس کی یہ بے توجہی ہے
منہ ان نے اس طرف سے پھیرا ہے میرؔ کب کا

میر تقی میر

---

---

کیا جانوں چشم تر سے ادھر دل کو کیا ہوا
کس کو خبر ہے میرؔ سمندر کے پار کی

میر تقی میر

---

---

کیا کہیں کچھ کہا نہیں جاتا
اب تو چپ بھی رہا نہیں جاتا

میر تقی میر

---

---

لکھتے رقعہ لکھے گئے دفتر
شوق نے بات کیا بڑھائی ہے

میر تقی میر

---

---