کن نیندوں اب تو سوتی ہے اے چشم گریہ ناک
مژگاں تو کھول شہر کو سیلاب لے گیا

میر تقی میر

---

---

کسو سے دل نہیں ملتا ہے یا رب
ہوا تھا کس گھڑی ان سے جدا میں

میر تقی میر

---

---

کتنی باتیں بنا کے لاؤں لیک
یاد رہتیں ترے حضور نہیں

میر تقی میر

---

---

مت رنجہ کر کسی کو کہ اپنے تو اعتقاد
دل ڈھائے کر جو کعبہ بنایا تو کیا ہوا

میر تقی میر

---

---

میرؔ عمداً بھی کوئی مرتا ہے
جان ہے تو جہان ہے پیارے

میر تقی میر

---

---

میرے رونے کی حقیقت جس میں تھی
ایک مدت تک وہ کاغذ نم رہا

where the true saga of my weeping was contained
sodden, moist for ages then, that paper remained

میر تقی میر

---

---

مت سہل ہمیں جانو پھرتا ہے فلک برسوں
تب خاک کے پردے سے انسان نکلتے ہیں

میر تقی میر

---

---

مرثیے دل کے کئی کہہ کے دئیے لوگوں کو
شہر دلی میں ہے سب پاس نشانی اس کی

میر تقی میر

---

---

مرگ اک ماندگی کا وقفہ ہے
یعنی آگے چلیں گے دم لے کر

میر تقی میر

---

---