کسی خیال کسی خواب کے لیے خورشیدؔ
دیا دریچے میں رکھا تھا دل جلایا تھا

خورشید ربانی

---

---

میں ہوں اک پیکر خیال و خواب
اور کتنی بڑی حقیقت ہوں

خورشید ربانی

---

---

وائے نادانی کہ وقت مرگ یہ ثابت ہوا
خواب تھا جو کچھ کہ دیکھا جو سنا افسانہ تھا

خواجہ میر دردؔ

---

---

کبھی دکھا دے وہ منظر جو میں نے دیکھے نہیں
کبھی تو نیند میں اے خواب کے فرشتے آ

کمار پاشی

---

---

دل مرا خواب گاہ دلبر ہے
بس یہی ایک سونے کا گھر ہے

لالہ مادھو رام جوہر

---

---

خواب میں نام ترا لے کے پکار اٹھتا ہوں
بے خودی میں بھی مجھے یاد تری یاد کی ہے

لالہ مادھو رام جوہر

---

---

خواب کا رشتہ حقیقت سے نہ جوڑا جائے
آئینہ ہے اسے پتھر سے نہ توڑا جائے

ملک زادہ منظور احمد

---

---