tumhaare sang-e-taghaful ka kyun karen shikwa
is aaine ka muqaddar hi TuTna hoga

Abdul Hafiz Naeemi

---

---

is liye kahte the dekha munh lagane ka maza
aaina ab aap ka madd-e-muqabil ho gaya

Agha Shayar Qazalbash

---

---

pyar apne pe jo aata hai to kya karte hain
aaina dekh ke munh chum liya karte hain

Ahmad Husain Mail

---

---

jo reza reza nahin dil use nahin kahte
kahen na aaina us ko jo para-para nahin

Ahmad Zafar

---

---

mushkil bahut paDegi barabar ki choT hai
aaina dekhiyega zara dekh-bhaal ke

a problem you will face, you'll find an equal there
look into the mirror with caution and with care

Ameer Minai

---

---

aaine se nazar churaate hain
jab se apna jawab dekha hai

Ameer Qazalbash

---

---

dil par choT paDi hai tab to aah labon tak aai hai
yun hi chhan se bol uThna to shishe ka dastur nahin

Andaleeb Shadani

---

---