کل رات جگاتی رہی اک خواب کی دوری
اور نیند بچھاتی رہی بستر مرے آگے

کاشف حسین غائر

---

---

ہاتھ لگاتے ہی مٹی کا ڈھیر ہوئے
کیسے کیسے رنگ بھرے تھے خوابوں میں

خاور اعجاز

---

---

خواب دیکھا تھا محبت کا محبت کی قسم
پھر اسی خواب کی تعبیر میں مصروف تھا میں

خالد ملک ساحلؔ

---

---

کسی خیال کا کوئی وجود ہو شاید
بدل رہا ہوں میں خوابوں کو تجربہ کر کے

خالد ملک ساحلؔ

---

---

کوئی تو بات ہوگی کہ کرنے پڑے ہمیں
اپنے ہی خواب اپنے ہی قدموں سے پائمال

خلیلؔ الرحمن اعظمی

---

---

نہیں اب کوئی خواب ایسا تری صورت جو دکھلائے
بچھڑ کر تجھ سے کس منزل پر ہم تنہا چلے آئے

خلیلؔ الرحمن اعظمی

---

---

خدا کرے کہ کھلے ایک دن زمانے پر
مری کہانی میں جو استعارہ خواب کا ہے

خورشید ربانی

---

---