اب اس کی شکل بھی مشکل سے یاد آتی ہے
وہ جس کے نام سے ہوتے نہ تھے جدا مرے لب

احمد مشتاق

---

---

اہل ہوس تو خیر ہوس میں ہوئے ذلیل
وہ بھی ہوئے خراب، محبت جنہوں نے کی

احمد مشتاق

---

---

ارے کیوں ڈر رہے ہو جنگل سے
یہ کوئی آدمی کی بستی ہے

احمد مشتاق

---

---

بہتا آنسو ایک جھلک میں کتنے روپ دکھائے گا
آنکھ سے ہو کر گال بھگو کر مٹی میں مل جائے گا

احمد مشتاق

---

---

بہت اداس ہو تم اور میں بھی بیٹھا ہوں
گئے دنوں کی کمر سے کمر لگائے ہوئے

احمد مشتاق

---

---

بلا کی چمک اس کے چہرہ پہ تھی
مجھے کیا خبر تھی کہ مر جائے گا

احمد مشتاق

---

---

بھول گئی وہ شکل بھی آخر
کب تک یاد کوئی رہتا ہے

احمد مشتاق

---

---