ملنے دیا نہ اس سے ہمیں جس خیال نے
سوچا تو اس خیال سے صدمہ بہت ہوا

احمد محفوظ

---

---

مری ابتدا مری انتہا کہیں اور ہے
میں شمارۂ مہ و سال میں نہیں آؤں گا

احمد محفوظ

---

---

نہیں آسماں تری چال میں نہیں آؤں گا
میں پلٹ کے اب کسی حال میں نہیں آؤں گا

احمد محفوظ

---

---

شور حریم ذات میں آخر اٹھا کیوں
اندر دیکھا جائے کہ باہر دیکھا جائے

احمد محفوظ

---

---

سنا ہے شہر کا نقشہ بدل گیا محفوظؔ
تو چل کے ہم بھی ذرا اپنے گھر کو دیکھتے ہیں

احمد محفوظ

---

---

تاریکی کے رات عذاب ہی کیا کم تھے
دن نکلا تو سورج بھی سفاک ہوا

احمد محفوظ

---

---

اس سے ملنا اور بچھڑنا دیر تک پھر سوچنا
کتنی دشواری کے ساتھ آئے تھے آسانی میں ہم

احمد محفوظ

---

---