kisi ki shaKHsiyat majruh kar di
zamane bhar mein shohrat ho rahi hai

Ahmad Ashfaq

---

---

ahl-e-hawas to KHair hawas mein hue zalil
wo bhi hue KHarab, mohabbat jinhon ne ki

Ahmad Mushtaq

---

---

KHair badnam to pahle bhi bahut the lekin
tujh se milna tha ki par lag gae ruswai ko

Ahmad Mushtaq

---

---

sari duniya hamein pahchanti hai
koi hum sa bhi na tanha hoga

Ahmad Nadeem Qasmi

---

---

tang aa gaya hun wusat-e-mafhum-e-ishq se
nikla jo harf munh se wo afsana ho gaya

Ahsan Marahravi

---

---

log kahte hain ki bad-nami se bachna chahiye
kah do be is ke jawani ka maza milta nahin

Akbar Allahabadi

---

---

meri ruswai agar sath na deti mera
yun sar-e-bazm main izzat se nikalta kaise

Akhtar Shumar

---

---