ہم آج کچھ حسین سرابوں میں کھو گئے
آنکھیں کھلیں تو جاگتے خوابوں میں کھو گئے

کیف احمد صدیقی

---

---

اک برس بھی ابھی نہیں گزرا
کتنی جلدی بدل گئے چہرے

کیف احمد صدیقی

---

---

کیفؔ کہاں تک تم خود کو بے داغ رکھو گے
اب تو ساری دنیا کے منہ پر سیاہی ہے

کیف احمد صدیقی

---

---

کیفؔ یوں آغوش فن میں ذہن کو نیند آ گئی
جیسے ماں کی گود میں بچہ سسک کر سو گیا

کیف احمد صدیقی

---

---

خدا معلوم کس آواز کے پیاسے پرندے
وہ دیکھو خامشی کی جھیل میں اترے پرندے

کیف احمد صدیقی

---

---

خوشی کی آرزو کیا دل میں ٹھہرے
ترے غم نے بٹھا رکھے ہیں پہرے

کیف احمد صدیقی

---

---

محسوس ہو رہا ہے کہ میں خود سفر میں ہوں
جس دن سے ریل پر میں تجھے چھوڑنے گیا

کیف احمد صدیقی

---

---