Diary mein sare achchhe sher chun kar likh liye
ek laDki ne mera diwan KHali kar diya

Aitbar Sajid

---

---

KHushk seron tan-e-shaer ka lahu hota hai
tab nazar aati hai ek misra-e-tar ki surat

Ameer Minai

---

---

sada samjho na inhen rahne do diwan mein 'amir'
yahi ashaar zabanon pe hain rahne wale

Ameer Minai

---

---

sau sher ek jalse mein kahte the hum 'amir'
jab tak na sher kahne ka hum ko shuur tha

Ameer Minai

---

---

shaer ko mast karti hai tarif-e-sher 'amir'
sau botalon ka nashsha hai is wah wah mein

Ameer Minai

---

---

wahi rah jate hain zabanon par
sher jo intiKHab hote hain

Ameer Minai

---

---

'asghar' ghazal mein chahiye wo mauj-e-zindagi
jo husn hai buton mein jo masti sharab mein

Asghar Gondvi

---

---