tujh se bichhaDna koi naya hadsa nahin
aise hazaron qisse hamari KHabar mein hain
Aashufta Changezi
us se puchho azab raston ka
jis ka sathi safar mein bichhDa hai
Abbas Dana
ye sach hai us se bichhaD kar mujhe zamana hua
magar wo lauTna chahe to phir zamana bhi kya
Abul Hasanat Haqqi
na bahlawa na samjhauta judai si judai hai
'ada' socho to KHushbu ka safar aasan nahin hota
Ada Jafri
tumhaare hijr mein kyun zindagi na mushkil ho
tumhin jigar ho tumhin jaan ho tumhin dil ho
Afsar Allahabadi
ab ke hum bichhDe to shayad kabhi KHwabon mein milen
jis tarah sukhe hue phul kitabon mein milen
should we now be parted, in dreams we might be found
like dried flowers found in books, fragile, fraying browned
Ahmad Faraz
a-zahir ek hi shab hai firaq-e-yar magar
koi guzarne baiThe to umr sari lage
Ahmad Faraz