قتیلؔ اب دل کی دھڑکن بن گئی ہے چاپ قدموں کی
کوئی میری طرف آتا ہوا محسوس ہوتا ہے

قتیل شفائی

---

---

نکل کر دیر و کعبہ سے اگر ملتا نہ مے خانہ
تو ٹھکرائے ہوئے انساں خدا جانے کہاں جاتے

if on leaving temple,mosque no tavern were be found
what refuge would outcasts find? this only God would know

قتیل شفائی

---

---

نکل کر دیر و کعبہ سے اگر ملتا نہ بت خانہ
تو ٹھکرائے ہوئے انساں خدا جانے کہاں جاتے

قتیل شفائی

---

---

نہ جانے کون سی منزل پہ آ پہنچا ہے پیار اپنا
نہ ہم کو اعتبار اپنا نہ ان کو اعتبار اپنا

قتیل شفائی

---

---

نہ چھاؤں کرنے کو ہے وہ آنچل نہ چین لینے کو ہیں وہ بانہیں
مسافروں کے قریب آ کر ہر اک بسیرا پلٹ گیا ہے

قتیل شفائی

---

---

مجھ سے تو پوچھنے آیا ہے وفا کے معنی
یہ تری سادہ دلی مار نہ ڈالے مجھ کو

قتیل شفائی

---

---

مفلس کے بدن کو بھی ہے چادر کی ضرورت
اب کھل کے مزاروں پہ یہ اعلان کیا جائے

قتیل شفائی

---

---

میرے بعد وفا کا دھوکا اور کسی سے مت کرنا
گالی دے گی دنیا تجھ کو سر میرا جھک جائے گا

قتیل شفائی

---

---

مت آئیو تم شہر میں بن بن ناچتے مور
نرت کے دشمن سب یہاں کیا حاکم کیا چور

قتیل شفائی

---

---