us bewafa se kar ke wafa mar-miTa 'raza'
ek qissa-e-tawil ka ye iKHtisar hai

Aal-e-Raza Raza

---

---

umid un se wafa ki to KHair kya kije
jafa bhi karte nahin wo kabhi jafa ki tarah

Aatish Bahawalpuri

---

---

ye kya ki tum ne jafa se bhi hath khinch liya
meri wafaon ka kuchh to sila diya hota

Abdul Hamid Adam

---

---

e-wafa tum ba-wafa main dekhiye hota hai kya
ghaiz mein aane ko tum ho mujh ko pyar aane ko hai

Agha Hajju Sharaf

---

---

chala tha zikr zamane ki bewafai ka
so aa gaya hai tumhaara KHayal waise hi

Ahmad Faraz

---

---

is qadar musalsal thin shiddaten judai ki
aaj pahli bar us se main ne bewafai ki

Ahmad Faraz

---

---

kaam aa sakin na apni wafaen to kya karen
us bewafa ko bhul na jaen to kya karen

Akhtar Shirani

---

---