یہی ہے زندگی کچھ خواب چند امیدیں
انہیں کھلونوں سے تم بھی بہل سکو تو چلو

ندا فاضلی

---

---

خاک اور خون سے اک شمع جلائی ہے نشورؔ
موت سے ہم نے بھی سیکھی ہے حیات آرائی

نشور واحدی

---

---

زندگی پرچھائیاں اپنی لیے
آئنوں کے درمیاں سے آئی ہے

نشور واحدی

---

---

ایک مشت خاک اور وہ بھی ہوا کی زد میں ہے
زندگی کی بے بسی کا استعارہ دیکھنا

پروین شاکر

---

---

کبھی کھولے تو کبھی زلف کو بکھرائے ہے
زندگی شام ہے اور شام ڈھلی جائے ہے

پریم واربرٹنی

---

---

کچھ تو ہے بات جو آتی ہے قضا رک رک کے
زندگی قرض ہے قسطوں میں ادا ہوتی ہے

قمر جلال آبادی

---

---

زندگی محو خود آرائی تھی
آنکھ اٹھا کر بھی نہ دیکھا ہم نے

روش صدیقی

---

---