حیات لاکھ ہو فانی مگر یہ سن رکھئے
حیات سے جو ہے مقصود غیر فانی ہے

کالی داس گپتا رضا

---

---

زندگی نام اسی موج مے ناب کا ہے
مے کدے سے جو اٹھے دار و رسن تک پہنچے

کمال احمد صدیقی

---

---

کیا چاہتی ہے ہم سے ہماری یہ زندگی
کیا قرض ہے جو ہم سے ادا ہو نہیں رہا

کاشف حسین غائر

---

---

زندگی دھوپ میں آنے سے کھلی
سایہ دیوار اٹھانے سے کھلا

کاشف حسین غائر

---

---

ہر ایک کام ہے دھوکہ ہر ایک کام ہے کھیل
کہ زندگی میں تماشا بہت ضروری ہے

خلیل مامون

---

---

کوئی وقت بتلا کہ تجھ سے ملوں
مری دوڑتی بھاگتی زندگی

خلیلؔ الرحمن اعظمی

---

---

یوں تو مرنے کے لیے زہر سبھی پیتے ہیں
زندگی تیرے لیے زہر پیا ہے میں نے

خلیلؔ الرحمن اعظمی

---

---