مصیبت اور لمبی زندگانی
بزرگوں کی دعا نے مار ڈالا
all these worldly troubles and longevity
blessings of the elders is the death of me
مضطر خیرآبادی
زندگی سے تو خیر شکوہ تھا
مدتوں موت نے بھی ترسایا
نریش کمار شاد
ہچکیوں پر ہو رہا ہے زندگی کا راگ ختم
جھٹکے دے کر تار توڑے جا رہے ہیں ساز کے
ناطق گلاوٹھی
جو لوگ موت کو ظالم قرار دیتے ہیں
خدا ملائے انہیں زندگی کے ماروں سے
نظیر صدیقی
دھوپ میں نکلو گھٹاؤں میں نہا کر دیکھو
زندگی کیا ہے کتابوں کو ہٹا کر دیکھو
ندا فاضلی
ہوش والوں کو خبر کیا بے خودی کیا چیز ہے
عشق کیجے پھر سمجھئے زندگی کیا چیز ہے
ندا فاضلی
میں بھی تو بھی یاتری چلتی رکتی ریل
اپنے اپنے گاؤں تک سب کا سب سے میل
ندا فاضلی