kahte hain ki ummid pe jita hai zamana
wo kya kare jis ko koi ummid nahin ho

Aasi uldani

---

---

tum kahan wasl kahan wasl ki ummid kahan
dil ke bahkane ko ek baat bana rakhi hai

Agha Shayar Qazalbash

---

---

ab tak dil-e-KHush-fahm ko tujh se hain umiden
ye aaKHiri shamen bhi bujhane ke liye aa

my heart is optimistic yet, its hopes are still alive
come to snuff it out, let not this final flame survive

Ahmad Faraz

---

---

nai naslon ke hathon mein bhi tabinda rahega
main mil jaunga miTTi mein qalam zinda rahega

Alok Yadav

---

---

wo ummid kya jis ki ho intiha
wo wada nahin jo wafa ho gaya

Altaf Hussain Hali

---

---

mere junun ka natija zarur niklega
isi siyah samundar se nur niklega

Ameer Qazalbash

---

---

jhuTe wadon par thi apni zindagi
ab to wo bhi aasra jata raha

Aziz Lakhnavi

---

---