بھولے بسرے ہوئے غم پھر ابھر آتے ہیں کئی
آئینہ دیکھیں تو چہرے نظر آتے ہیں کئی

فضیل جعفری

---

---

گھر سے باہر نہیں نکلا جاتا
روشنی یاد دلاتی ہے تری

فضیل جعفری

---

---

کسی کی یاد سے دل کا اندھیرا اور بڑھتا ہے
یہ گھر میرے سلگنے سے منور ہو نہیں سکتا

غلام حسین ساجد

---

---

یاد اشکوں میں بہا دی ہم نے
آ کہ ہر بات بھلا دی ہم نے

غلام محمد قاصر

---

---

بجلی چمکی تو ابر رویا
یاد آ گئی کیا ہنسی کسی کی

گویا فقیر محمد

---

---

یادوں کی بوچھاروں سے جب پلکیں بھیگنے لگتی ہیں
سوندھی سوندھی لگتی ہے تب ماضی کی رسوائی بھی

گلزار

---

---

اک تری یاد سے اک تیرے تصور سے ہمیں
آ گئے یاد کئی نام حسیناؤں کے

حبیب جالب

---

---