کہتے ہیں عمر رفتہ کبھی لوٹتی نہیں
جا مے کدے سے میری جوانی اٹھا کے لا

tis said this fleeting life once gone never returns
go to the tavern and bring back my youth again

عبد الحمید عدم

---

---

تم چلو اس کے ساتھ یا نہ چلو
پاؤں رکتے نہیں زمانے کے

ابو المجاہد زاہد

---

---

وقت کی وحشی ہوا کیا کیا اڑا کر لے گئی
یہ بھی کیا کم ہے کہ کچھ اس کی کمی موجود ہے

آفتاب حسین

---

---

روز ملنے پہ بھی لگتا تھا کہ جگ بیت گئے
عشق میں وقت کا احساس نہیں رہتا ہے

احمد مشتاق

---

---

یہ پانی خامشی سے بہہ رہا ہے
اسے دیکھیں کہ اس میں ڈوب جائیں

احمد مشتاق

---

---

اس وقت کا حساب کیا دوں
جو تیرے بغیر کٹ گیا ہے

احمد ندیم قاسمی

---

---

کہیں یہ اپنی محبت کی انتہا تو نہیں
بہت دنوں سے تری یاد بھی نہیں آئی

احمد راہی

---

---