kahte hain umr-e-rafta kabhi lauTti nahin
ja mai-kade se meri jawani uTha ke la

tis said this fleeting life once gone never returns
go to the tavern and bring back my youth again

Abdul Hamid Adam

---

---

tum chalo is ke sath ya na chalo
panw rukte nahin zamane ke

Abul Mujahid Zahid

---

---

waqt ki wahshi hawa kya kya uDa kar le gai
ye bhi kya kam hai ki kuchh us ki kami maujud hai

Aftab Hussain

---

---

oz milne pe bhi lagta tha ki jug bit gae
ishq mein waqt ka ehsas nahin rahta hai

Ahmad Mushtaq

---

---

ye pani KHamushi se bah raha hai
ise dekhen ki is mein Dub jaen

Ahmad Mushtaq

---

---

us waqt ka hisab kya dun
jo tere baghair kaT gaya hai

Ahmad Nadeem Qasmi

---

---

kahin ye apni mohabbat ki intiha to nahin
bahut dinon se teri yaad bhi nahin aai

Ahmad Rahi

---

---