اگر فرصت ملے پانی کی تحریروں کو پڑھ لینا
ہر اک دریا ہزاروں سال کا افسانہ لکھتا ہے

بشیر بدر

---

---

وہ تھے جواب کے ساحل پہ منتظر لیکن
سمے کی ناؤ میں میرا سوال ڈوب گیا

بیکل اتساہی

---

---

اللہ تیرے ہاتھ ہے اب آبروئے شوق
دم گھٹ رہا ہے وقت کی رفتار دیکھ کر

بسملؔ  عظیم آبادی

---

---

وقت برباد کرنے والوں کو
وقت برباد کر کے چھوڑے گا

دواکر راہی

---

---

وقت کو بس گزار لینا ہی
دوستو کوئی زندگانی ہے

دواکر راہی

---

---

نہ ابتدا کی خبر ہے نہ انتہا معلوم
رہا یہ وہم کہ ہم ہیں سو وہ بھی کیا معلوم

فانی بدایونی

---

---

کوئی ٹھہرتا نہیں یوں تو وقت کے آگے
مگر وہ زخم کہ جس کا نشاں نہیں جاتا

فرخ جعفری

---

---