عمر بھر ملنے نہیں دیتی ہیں اب تو رنجشیں
وقت ہم سے روٹھ جانے کی ادا تک لے گیا

فصیح اکمل

---

---

کس طرح عمر کو جاتے دیکھوں
وقت کو آنکھوں سے اوجھل کر دے

فضا ابن فیضی

---

---

مجھے تراش کے رکھ لو کہ آنے والا وقت
خزف دکھا کے گہر کی مثال پوچھے گا

فضا ابن فیضی

---

---

وقت نے کس آگ میں اتنا جلایا ہے مجھے
جس قدر روشن تھا میں اس سے سوا روشن ہوا

فضا ابن فیضی

---

---

رکھ دیا وقت نے آئینہ بنا کر مجھ کو
رو بہ رو ہوتے ہوئے بھی میں فراموش رہا

غلام مرتضی راہی

---

---

وقت رہتا نہیں کہیں ٹک کر
عادت اس کی بھی آدمی سی ہے

گلزار

---

---

گیا جو ہاتھ سے وہ وقت پھر نہیں آتا
کہاں امید کہ پھر دن پھریں ہمارے اب

حفیظ جونپوری

---

---