hijr ko hausla aur wasl ko fursat darkar
ek mohabbat ke liye ek jawani kam hai

Abbas Tabish

---

---

kahte hain umr-e-rafta kabhi lauTti nahin
ja mai-kade se meri jawani uTha ke la

tis said this fleeting life once gone never returns
go to the tavern and bring back my youth again

Abdul Hamid Adam

---

---

naujawani mein parsa hona
kaisa kar-e-zabun hai pyare

Abdul Hamid Adam

---

---

wo ahd-e-jawani wo KHarabaat ka aalam
naghmat mein Dubi hui barsat ka aalam

Abdul Hamid Adam

---

---

kis tarah jawani mein chalun rah pe naseh
ye umr hi aisi hai sujhai nahin deta

Agha Shayar Qazalbash

---

---

jawani ki dua laDkon ko na-haq log dete hain
yahi laDke miTate hain jawani ko jawan ho ka

Akbar Allahabadi

---

---

log kahte hain ki bad-nami se bachna chahiye
kah do be is ke jawani ka maza milta nahin

Akbar Allahabadi

---

---