کون ڈوبے گا کسے پار اترنا ہے ظفرؔ
فیصلہ وقت کے دریا میں اتر کر ہوگا

احمد ظفر

---

---

اخترؔ گزرتے لمحوں کی آہٹ پہ یوں نہ چونک
اس ماتمی جلوس میں اک زندگی بھی ہے

اختر ہوشیارپوری

---

---

گزرتے وقت نے کیا کیا نہ چارہ سازی کی
وگرنہ زخم جو اس نے دیا تھا کاری تھا

اختر ہوشیارپوری

---

---

وقت اب دسترس میں ہے اخترؔ
اب تو میں جس جہان تک ہو آؤں

اختر عثمان

---

---

روکے سے کہیں حادثۂ وقت رکا ہے
شعلوں سے بچا شہر تو شبنم سے جلا ہے

علی احمد جلیلی

---

---

صبح ہوتی ہے شام ہوتی ہے
عمر یوں ہی تمام ہوتی ہے

امیر اللہ تسلیم

---

---

وقت جب کروٹیں بدلتا ہے
فتنۂ حشر ساتھ چلتا ہے

انور صابری

---

---