مے کش ہوں وہ کہ پوچھتا ہوں اٹھ کے حشر میں
کیوں جی شراب کی ہیں دکانیں یہاں کہیں

رند لکھنوی

---

---

اچھی پی لی خراب پی لی
جیسی پائی شراب پی لی

ریاضؔ خیرآبادی

---

---

یہ سر بہ مہر بوتلیں جو ہیں شراب کی
راتیں ہیں ان میں بند ہمارے شباب کی

ریاضؔ خیرآبادی

---

---

بے پئے ہی شراب سے نفرت
یہ جہالت نہیں تو پھر کیا ہے

without drinking, to abhor wine so
what is this if not igorant stupidity

ساحر لدھیانوی

---

---

شکریہ اے گردش جام شراب
میں بھری محفل میں تنہا ہو گیا

سلام ؔمچھلی شہری

---

---

کھلی فضا میں اگر لڑکھڑا کے چل نہ سکیں
تو زہر پینا ہے بہتر شراب پینے سے

شہزاد احمد

---

---

مدت سے آرزو ہے خدا وہ گھڑی کرے
ہم تم پئیں جو مل کے کہیں ایک جا شراب

شیخ ظہور الدین حاتم

---

---