'faraaz' tark-e-talluq to KHair kya hoga
yahi bahut hai ki kam kam mila karo us se

Ahmad Faraz

---

---

tu ne hi to chaha tha ki milta rahun tujh se
teri yahi marzi hai to achchha nahin milta

Ahmad Mushtaq

---

---

yar sab jama hue raat ki KHamoshi mein
koi ro kar to koi baal bana kar aaya

Ahmad Mushtaq

---

---

zindagi ke wo kisi moD pe gahe gahe
mil to jate hain mulaqat kahan hoti hai

Ahmad Rahi

---

---

gahe gahe ki mulaqat hi achchhi hai 'amir'
qadr kho deta hai har roz ka aana jaana

Ameer Minai

---

---

jam gai dhul mulaqat ke aainon par
mujh ko us ki na use meri zarurat koi

Asad Badayuni

---

---

musafir hain hum bhi musafir ho tum bhi
kisi moD par phir mulaqat hogi

Bashir Badr

---

---