وہ شخص جس کو دل و جاں سے بڑھ کے چاہا تھا
بچھڑ گیا تو بظاہر کوئی ملال نہیں

بشیر بدر

---

---

گلا بھی تجھ سے بہت ہے مگر محبت بھی
وہ بات اپنی جگہ ہے یہ بات اپنی جگہ

باصر سلطان کاظمی

---

---

یہ تاثیر محبت ہے کہ ٹپکا
ہمارا خوں تمہاری گفتگو سے

بیان میرٹھی

---

---

دل محبت سے بھر گیا بیخودؔ
اب کسی پر فدا نہیں ہوتا

بیخود دہلوی

---

---

اگر درد محبت سے نہ انساں آشنا ہوتا
نہ کچھ مرنے کا غم ہوتا نہ جینے کا مزا ہوتا

چکبست برج نرائن

---

---

یہ مزہ تھا دل لگی کا کہ برابر آگ لگتی
نہ تجھے قرار ہوتا نہ مجھے قرار ہوتا

داغؔ دہلوی

---

---

عشق نے جس دل پہ قبضہ کر لیا
پھر کہاں اس میں نشاط و غم رہے

دتا تریہ کیفی

---

---