ai junun phir mere sar par wahi shamat aai
phir phansa zulfon mein dil phir wahi aafat aai
Aasi Ghazipuri
mujh se to dil bhi mohabbat mein nahin KHarch hua
tum to kahte the ki is kaam mein ghar lagta hai
Abbas Tabish
ek khilauna TuT jaega naya mil jaega
main nahin to koi tujh ko dusra mil jaega
Adeem Hashmi
dekho ye kisi aur ki aankhen hain ki meri
dekhun ye kisi aur ka chehra hai ki tum ho
Ahmad Faraz
tujh se bichhDun to teri zat ka hissa ho jaun
jis se marta hun usi zahr se achchha ho jaun
Ahmad Kamal Parwazi
abhi aae abhi jate ho jaldi kya hai dam le lo
na chhoDunga main jaisi chahe tum mujh se qasam le lo
Ameer Minai
hans ke farmate hain wo dekh ke haalat meri
kyun tum aasan samajhte the mohabbat meri
seeing my condition, she laughs and asks of me
"Easy did you then imagine, loving me would be?"
Ameer Minai