آئی ہوگی کسی کو ہجر میں موت
مجھ کو تو نیند بھی نہیں آتی

اکبر الہ آبادی

---

---

بوڑھوں کے ساتھ لوگ کہاں تک وفا کریں
بوڑھوں کو بھی جو موت نہ آئے تو کیا کریں

اکبر الہ آبادی

---

---

اے اجل کچھ زندگی کا حق بھی ہے
زندگی تیری امانت ہی سہی

اکبر حیدری

---

---

چھوڑ کے مال و دولت ساری دنیا میں اپنی
خالی ہاتھ گزر جاتے ہیں کیسے کیسے لوگ

اکبر حیدرآبادی

---

---

اب نہیں لوٹ کے آنے والا
گھر کھلا چھوڑ کے جانے والا

اختر نظمی

---

---

کون جینے کے لیے مرتا رہے
لو، سنبھالو اپنی دنیا ہم چلے

اختر سعید خان

---

---

وہ اگر آ نہ سکے موت ہی آئی ہوتی
ہجر میں کوئی تو غمخوار ہمارا ہوتا

اختر شیرانی

---

---