ماں کی آغوش میں کل موت کی آغوش میں آج
ہم کو دنیا میں یہ دو وقت سہانے سے ملے

کیف بھوپالی

---

---

رہنے کو سدا دہر میں آتا نہیں کوئی
تم جیسے گئے ایسے بھی جاتا نہیں

کیفی اعظمی

---

---

بچھڑا کچھ اس ادا سے کہ رت ہی بدل گئی
اک شخص سارے شہر کو ویران کر گیا

خالد شریف

---

---

جانے کیوں اک خیال سا آیا
میں نہ ہوں گا تو کیا کمی ہوگی

خلیلؔ الرحمن اعظمی

---

---

تری وفا میں ملی آرزوئے موت مجھے
جو موت مل گئی ہوتی تو کوئی بات بھی تھی

خلیلؔ الرحمن اعظمی

---

---

موت کی ایک علامت ہے اگر دیکھا جائے
روح کا چار عناصر پہ سواری کرنا

خورشید رضوی

---

---

آخر اک روز تو پیوند زمیں ہونا ہے
جامۂ زیست نیا اور پرانا کیسا

لالہ مادھو رام جوہر

---

---