موت نہ آئی تو علویؔ
چھٹی میں گھر جائیں گے

محمد علوی

---

---

مجھ کو معلوم ہے انجام محبت کیا ہے
ایک دن موت کی امید پہ جینا ہوگا

مبارک عظیم آبادی

---

---

مٹی کا بدن کر دیا مٹی کے حوالے
مٹی کو کہیں تاج محل میں نہیں رکھا

منور رانا

---

---

زندگی سے تو خیر شکوہ تھا
مدتوں موت نے بھی ترسایا

نریش کمار شاد

---

---

جو لوگ موت کو ظالم قرار دیتے ہیں
خدا ملائے انہیں زندگی کے ماروں سے

نظیر صدیقی

---

---

خاک اور خون سے اک شمع جلائی ہے نشورؔ
موت سے ہم نے بھی سیکھی ہے حیات آرائی

نشور واحدی

---

---

شکریہ اے قبر تک پہنچانے والو شکریہ
اب اکیلے ہی چلے جائیں گے اس منزل سے ہم

قمر جلالوی

---

---